SápmiDem lea mielde vuosttas Sámi Arenas Guovdageainnus 2025! Lávdan Sámi Arenas sámeservodat ságastallá dehálaš áššiid birra ja ohcá čovdosiid oktasaš hástalusaide. Bures boahtin!
SápmiDem panelaságastallan: Mo buoridit sámiid oassálastima energiija molsašumis – lassaneaddji sisabahkkemiin numo biegga industriija, ruvkket, fápmolinját, jná?
Duorasdaga 12.6. dii. 13–17, stuorra lávvu, hotealla olggobealde.
Boađe ságastallat mo ovddidit sámiid searvama luondduresurssain ja eanangeavahusas mearridettiin Sámis ja daidda guoskevaš láhkaásaheamis.
Panelas leat mielde:
Silje Karine Muotka, Elle Nystad, Minna Näkkäläjärvi, ja Láila Susanne Vars (vejolaččat maid Skuohtanjárgga dahje Gábna ovddasteaddji).
Láidesteaddjin Rauna Kuokkanen.
Panelaságastallan lea davvisámegillii.
Oanehis sáhkavuoruid maŋŋá lea rabas ságastallan. Buohkat leat buresboahtán!
Lágideaddji: SápmiDem dutkanprošeakta
No responses yet