Buorre gullat Norgga Sámedikki aiddo ásahan demokratiijalávdegottis. Sámis lea stuorra dárbu rabas servodatságastallamii sámi demokratiija birra, numo vuđolaččat čielggadit sámiid demokráhtalaš oassálastima. Dán lea maiddái SápmiDem čielggadeamen.
SápmiDem-prošeakta (2024–2028) lea davviriikkalaš dutkanovttadat, mii guorahallá ovttas sámeservodagain mo buoridit sámiid oassálastima erenoamážit davviriikkalaš energiija sirdašumi oktavuođas. Prošeavtta ulbmilin lea maiddái ovddidit vuoiggalašvuođa, legitimitehta ja oassálasti stivrema Sámis.
No responses yet