Dán lohkkiidčállosis Fierranjot Kirstte Rávdná, Rauna Kuokkanen juogada iežas jurdagiid FPIC birra. Son čilge dan «rivttiid čoakkáldat», mas leat iešguđet vuoigatvuođat mat gusket oassálastimii, gulahallamii, dieđu oažžumii ja lobi addimii dahje biehttaleapmái.
Eamiálbmogiin leat álo leamaš iežaset ráđđádallanvierut, mat stivrejit siskkáldas gulahallama ja ovttasbarggu olggobeale doaibmiiguin. Daid vieruid bokte sii leat dohkkehan dahje hilgon sisabahkkemiid iežaset guovlluide. Maŋimuš moaddelogi jagi eamiálbmogat iešguđet guovlluin leat hábmen dáid vieruid vuođul iežaset FPIC protokollaid dahje njuolggadusaid oassin sin iešmearrideami. Protokollat leat iešguđetlágan dokumeanttat, mat muitalit álbmoga vuođđogáibádusaid ráđđádallamiidda ja mo sii háliidit konsulterejuvvot sisabahkkemiid ja eará doaibmabijuid oktavuođas.
No responses yet